Sour Army 8.00″ (sérsamsett)

Meira um vöruna

Barcelona er hjólabrettahöfuðborg Evrópu. Sour Solution á einmitt rætur sínar að rekja þangað þrátt fyrir að vera í eigu og rekið af Skandinövum (þú veist, fólki frá Skandinavíu). Þeir stofnuðu Sour eftir að hafa verið hjá Sweet Skateboards um árabil en hætt þar eftir ýmsar áherslu- og stjórnendabreytingar sem þeim hugnaðist ekki. Sniðugt nafn líka, súrt og sætt skilurðu 

Ace Trucks var stofnað af Joey Tershay og Steve Ruge árið 2006 en þeir eru báðir hoknir af reynslu innan hjólabrettagreinarinnar. Eina markmiðið var að búa til hágæða öxla fyrir skeitara og það hefur skilað sér í því að margir af bestu og frægustu hjólabrettaköppum heims nota Ace öxla í dag.

Mini-Logo er hluti af SkateOne samstæðunni sem á og framleiðir m.a. Powell-Peralta og öll Bones merkin. Mini-Logo er hagkvæmi armur samsteypunnar og býður upp á vörur á lægra verði. Það þýðir þó ekki að eitthvað sé gefið eftir í gæðum því vörurnar eru framleiddar eftir ströngum gæðastöðlum og sem dæmi þá eru Mini-Logo brettaplöturnar lagaðar eftir sömu mótum og Powell-Peralta plöturnar hafa verið mótaðar eftir til fjölda ára. Mini-Logo öxlarnir eru þar að auki einu öxlarnir sem SkateOne framleiðir og það segir allt um gæði þeirra.

Cortina er lítið fyrirtæki sem sérhæfir sig í hjólabrettalegum í hæsta gæðaflokki. Þær eru prófaðar og samþykktar af skeiturum eins og Na-Kel Smith, Elijah Berle, Kyle Walker, Kevin Bradley, Casper Brooker, Tristan „T-Funk“ Funkhouser, Kyron Davis og Mike Arnold.

Það er óhætt að segja Zupply með þykkum þýskum hreim því fyrirtækið er þýskt og framleiðir góðar hjólabrettavörur á góðum verðum. Zupply einbeitir sér að fylgihlutum eins og skrúfum, dekkjum og sandpappír og gerir það vel. Það fokkar enginn í þýska stálinu!